Pikë e re për informacionin turistik në qytet
Shtimi i ndjeshëm i numrit të vizitorëve vendas dhe të huaj në qytetin e Korçës, ka lindur nevojën e një orjentimi të shpejtë dhe të saktë për qytetin, vendet e vizitueshme brenda dhe jashtë tij si edhe informacione të tjera të nevojshme për ta bërë sa më komod dhe të kënaqshëm qëndrimin. Pranë bibliotekës të qytetit është shtuar një kënd për informacionin turistik ku vizitorët mund të gjejnë informacione orjentuese si dhe materiale promocionale për Rajonin e Korçës. Ngritja e këtij këndi është hapi i parë i një projekti që Bashkia Korçë në bashkëpunim me Këshillin e Qarkut kanë për ngritjen dhe funksionimin e Zyrës së Informacionit Turistik, e cila do të hapet së shpejti në Zonën Këmbësore të qytetit.