Bashkia Korçë i është bashkuar nismës “Të pastrojmë Shqipërinë në një ditë”. Aksioni për pastrimin e qytetit ka nisur rreth orës 08.30 të mëngjesit për të vijuar deri në orët e pasdites në disa pika të ndryshme të cilësuara si më problematiket në qytet. Kryetari i bashkisë, Sotiraq Filo ka marrë pjesë në këtë nisëm për pastrimin e qytetit i shoqëruar edhe nga stafi i Bashkisë Korçë,duke theksuar se është shumë e rëndësishme që të gjithë qytetarët të rrisin shkallën e ndërgjegjesimit për një çështje të madhe që lidhet me shëndetin e gjithe sejcilit prej nesh dhe të ardhmen e fëmijëve. Ky akision nuk ka qënë një nisëm e marrë vetëm në një ditë, por nëpërmjet programit të pastrimit “18 ditë në 18 Lagje”, Ndërmarrja e Shërbimeve Publike në bashki, kryen ndërhyrje të herëpashershme për pastrimin e zonave të ndotura në të gjjitha lagjet e qytetit.
