Është zhvilluar në qytetin e Korçës panairi “Shijo Korçën” i cili ka qëndruar i hapur për disa ditë për qytetarët dhe vizitorët. Ky panair ka tërhequr vëmendjen e shumë qytetarëve por edhe vizitorëve vendas dhe të huaj të cilët nuk kanë hezituar të shohin me kureshtje punimet e bukura artizanale që ofronte ky panair dhe ushqimet e shijshme tradicionale te anvisave korçare. Në ceremoninë e çeljes së këtij panairi ka qënë i pranishëm dhe Zv.Kryetari i Bashkisë Korçë Sotiraq Filo, i cili ka përshëndetur të pranishmit me fjalën e tij të rastit duke theksuar se ky qytet vazhdimisht ka sjellë në vëmendje panaire të këtij lloji të cilat kanë si qëllim promovomin e punëve artizanale,produkteve dhe kulinarisë tradicionale korçare.
