Konkurs kombëtar për suveniret e qytetit
Korça tashmë e njohur në Shqipëri për profilin e vet të veçantë turistik, është kthyer në një destinacion të preferuar nga turistët vendas dhe të huaj. Ata që vizitojnë Korçën dëshirojnë të marrin me vete një kujtim nga qyteti që të magjeps në çdo stinë. Me qëllim që vlerat turistike, simbolikat, apo traditat, të kthehen në suvenire të qytetit, bashkia e Korçës në bashkepunim me GIZ organizuan Konkursin Kombëtar të Suvenireve të qytetit. Pjesë e këtij konkursi i cili kaloi në tre faza, me një shtrirje kohore 7 mujore, u bënë 50 artistë dhe krijues nga qytete të ndryshme të Shqipërisë. Në fazën finale pas një përzgjedhje bazuar mbi rregulloren e konkursit u kualifikuan 15 aplikantë të cilët u vlerësuan me çertifikta pjesëmarrje. Juria ndërkombëtare e përbërë nga profesionistë në fushën e krijimtarisë vlerësoi me çmim të parë Rezarta Pilafi nga Berati.
Fituesit e çmimeve Speciale:
1. Çmimi inkurajues për Konkurrenten më të mirë Femër u fitua nga Znj. Bujana Demiraj, Tiranë
2. Çmimi inkurajues për Konkurrentin më të mirë nga të Rinjtë u fitua nga Z. Piro Zguro, Korçë
3. Çmimi për idenë më origjinale u fitua nga Znj. Anisa Lloja, Tiranë
Fituesit e çmimeve të mëdha ishin:
1. Çmimi i Tretë u fitua nga Z.. Entoni Jubani, Tiranë
2. Çmimi i Dytë u fitua nga Z.Idi Kotelli, Korçë
3. Çmimi i Parë u fitua nga Znj.Rezarta Pilafi, Berat