Aktivitetet e larmishme të Festave të Fundvitit të organizuara nga Bashkia Korçë, u përmbyllën me Mbrëmjen Gala “Një Kartolinë nga Kori Lira”. Në ambientet e teatrit “Andon Zako Çajupi” janë kënduar këngë nga repertori i korit i cili është një nga vlerat identifikuese të kulturës korçare dhe asaj shqiptare në përgjithësi. Kjo mbrëmje e ndërthurur me muzikë dhe vargjet e bukura poetike nga artistë të qytetit të Korçës, përcolli një emocion të veçantë tek të pranishmit .
