Kitaristi i Guns N’Roses në Festën e Birrës
Baza kryesore e spektaklit muzikor që luhet në të gjitha vitet në skenën e Festës së Birrës është muzika rok. Veç prezencës të grupeve dhe këngëtarëve më të njohur shqiptarë të rokut, grupeve të mirënjohura angleze mundësuar nga British Council si edhe grupeve çeke mundesuar nga ambasada e këtij vendi, këtë vit në skenën e festës, natën fianle performoi një nga yjet e muzikës botërore, kitaristi i grupit legjendar të rokut Guns N’Roses, Ron Bumblefoot Thal. Në skenën e Festës së Birrës, legjendës të rokut botëror iu dorëzua titulli “Qytetar Nderi” nga kryetari i bashkisë Niko Peleshi. Veç spektaklit që zgjati për gati dy orë para mijëra njerëzve, dhe qindra autografëve për fansat e tij, Bumblefoot dha paraditen e së hënës pas festës edhe një leksion muzike për muzikantët e rinj të qytetit të Korçës.