Është inaguruar në Korçë përfundimi i rikonstruksionit të fasadës së Ish Mapos tek Zona Këmbësore. Ka qënë ky një investim i Bashkisë Korçë me mbështetjen financiare të Fondacionit Shqiptaro – Amerikan për Zhvillim i cili i ka sjellë një pamje krejtësisht të re qëndrës të qytetit. Pas përfundimit të fazës së parë për rikonstruksionin e Sheshit para Katedrales dhe Bulevard “Shën Gjergjit”, u inagurua edhe përfundimi i fazës së dytë të rikonstruksionit të fasadës së dyqanave tek Ish Mapo. Në këtë ceremoni ishte i pranishem kryetari i bashkisë Sotiraq Filo, Prefekti i Qarkut Ardit Konomi,drejtues dhe përfaqësues të Fondacionit Shqiptaro – Amerikan për Zhvillim, përfaqesues të bizneseve të Zonës Këmbësore si edhe nderoi këtë ceremoni me prezencën e tij zv.Kryeministri i Shqipërisë Niko Peleshi. Transformimi i kësaj zone të qytetit jo vetëm e afron atë më tepër me një vend Europian, por i jep edhe një zhvillim dhe përparësi të mëtejshme bizneseve të kësaj zone. Nga ana e tyre jo vetëm qytetarët por veçanërisht bizneset u shprehën entuziastë dhe mirenjohës për këtë investim të rëndësishëm të bashkisë në qytet i cili konsiderohet si më i bukuri dhe më i rëndësishmi gjatë viteve të fundit.
