Korça festoi më 24 tetor, 69 -vjetorin e çlirimit të saj nga pushtuesit nazifashist. Me rastin e kësaj dite, bashkia e qytetit organizoi një program të bukur aktivitetesh festive i cili filloinë orët e para të mëngjesit me marshimin e bandës së qytetit në Zonën Këmbësore për të vazhduar më pas me ceremoninë përkujtimore në Teatrin “ Andon Zako Çajupi”. Në këtë aktivitet të gëzueshëm festiv për të gjithë qytetarët e Korçës, morën pjesë drejtues dhe përfaqësues të Bashkisë Korçë, Prefekturës dhe Këshillit Bashkiak, përfaqësues të partive politike, përfaqësues të organizatës të Veteranëve të Luftës, familjarë të të rënëve etj. Në fjalën e tij te rastit, Zv.kryetari i Bashkisë Sotiraq Filo u shpreh: “Dite si kjo janë shumë të rëndësishme jo thjesht në historinë e një qyteti por edhe në rifreskimin e memories historike të një kombi si i yni ,që i është dashur të luftojë edhe sakrifikojë për lirinë. Kjo ditë është një moment kujtese dhe nderimi por sidomos reflektimi për të gjithë ne që jetojmë në këtë qytet.Që qyteti të jetë më i mirë, që jeta e gjithësejcilit të jetë më e mirë duhet që së pari qytetin ta duash, dhe nëse punon me dashuri për atë ja vlen edhe te sakrifikohesh”.Festimet janë shoqëruar edhe me një program muzikor me këngë patriotike interpretuar nga Kori “Lyra”.Në përkujtim të kësaj dite u zhvilluan homazhe dhe nderime edhe në varrëzat e Dëshmorëve.
