Ashtu si çdo vit, këto dy evenimente u përkujtuan me nderim dhe respekt nëpërmjet ceremonive festive të organizuara me rastin e këtyre festave në Korçë.Ceremonia përkujtimore ka nisur tek Zona Kembësore para monumentit të Luftëtarit Kombëtar në nderim të Patriotëve Korçarë, Martirëve të rënë për liri e pavarësi të cilët në mënyrë të pakursyer , dhanë jetën e tyre në mbrojtje të atdheut. Kurora e buqeta me lule janë vendosur nga Bashkia Korçë përkatësisht nga Kryetari Z.Sotiraq Filo, Prefekti i Qarkut Korçë Ardit Konomi si dhe përfaqësues të tjerë të partive të ndryshme politike,veteranë, institucionet fetare, organizatat joqeveritare, ushtarakë, familjet e patriotëve etj. Me pas u zhvillua tradita e celebrimit të flamurit në Katedralen e qytetit si dhe vizitat tradicionale në familjet e të rënëve të kombit. 28-Nëntori i cili përkon dhe me 101 vjetorin e çlirimit të atdheut filloi me një mbledhje solemne në sallën e teatrit A.Z.Çajupi ku fjalën e rastit e mori dhe Kryetari Bashkisë Korçë Z. Sotiraq Filo i cili përshëndeti të gjithë të pranishmit dhe sidomos shprehu falenderimin dhe mirënjohjen e tij të thellë për të gjithë ata dëshmorë të rënë në kërkim të një atdheu të lirë duke vlerësuar sakrificën e tyre dhe mbi të gjitha dashurinë e tyre për kombin madje duke e cilësuar atë si një shembull i cili sot duhet ndjekur dhe respektuar më shumë se kurrë.Ceremonia ka vazhduar me homazhet tek varrezat e dëshmorëve në të cilat janë vendosur kurrora me lule para monumentit të partizanit në nderim të të rëneve.
