Tradita e anvisave korçare tërheq vizitorë të shumtë
Në kuadrin e aktiviteteve të shumta kulturore e festive gjatë sezonit veror, Bashkia Korçë organizoi për të disatin vit rradhazi Festën e Lakrorit. Banorë të qytetit dhe vizitorë të shumtë janë bërë pjesë e festës të organizuar në ambientet e Parkut Rinia. Festa e Lakrorit me dy petë të pjekur në saç organizohet me qëllim promovimin e kësaj tradite të hershme të kulinarisë korçare.Kjo festë e shndërruar tashmë në një festë popullore tradicionale, ka tërhequr edhe këtë vit vëmendjen e mjaft vizitorëve vendas dhe të huaj. Festa e Lakrorit u shoqërua edhe me një program muzikor, që gjallëroi atmosferën e bukur në park deri në orët e vona të mbrëmjes. Nje kënd i veçantë për fëmijët në këtë festë, mundësoi që edhe ata të kishin hapesirën e tyre të argëtimit.