Në kuadër të Programit Qyteti Social, Bashkia Korçë me mbështetjen financiare të UNDP Albania, ka krijuar një Task Force për denoncimin dhe trajtimin e rasteve të dhunës në familje e cila simbolizon përpjekjet e përbashketa të Organizmave Lokalë të korçës për parandalimin e dhunës në familje. Në ditën ndërkombëtare kundër dhunës, nën kujdesin e veçantë të Zv. Kryetarit Sotiraq Filo dhe bashkisë është organizuar një aktivitet sensibilizues për luftën kundër dhunës.Tek Zona këmbësore u vendosën stenda tek të cilat u shpërndanë materiale promocionale dhe fletëpalosje për ndërgjegjësimin e shoqërisë për parandalimin e dhunës në familje me moton “Dhuroni një lule në vend të shuplakës”. Për denoncimin e rasteve të dhunës është vënë në dispozicion të qyetarëve nga Bashkia Korçë një numur pa pagesë(0800 3434) tek i cili të gjithë individët që ndjehen të dhunuar fizikisht ose verbalisht mund të dënoncojnë rastet e tyre dhe të përfitojnë konsulencë psiko-sociale,konsulencë ligjore si dhe trajtim të rasteve emergjentë të dhunës me ndihmë të drejtpërdrejtë. Gjatë tre muajve të fundit rezultojnë 30 raste individësh tek të cilët është ushtruar dhunë dhe që aktualisht po trajtohen tek Qëndra e Trajtimit të Dhunës pranë Bashkisë Korçë.