Në kuadër të ditës ndërkombëtare të moshës së tretë, Bashkia Korçë ka mundësuar disa aktivitete. Nën kujdesin e Zv. Kryetarit të bashkisë Sotiraq Filo, 50 të moshuarve të cilët frekuentojnë çdo ditë Qëndrat Komunitare për moshën e tretë në qytet u është vënë në dispozicion transporti falas për të vizituar muzeun Kombëtar të Arsimit, muzeun e “Artit Mesjetar”, muzeun “Gjon Mili” dhe muzeun “Bratko” pa pagesë. Gjithashtu në këtë ditë personat që i përkasin kësaj grupmoshe patën mundësinë  e përfitimit të dy vizitave falas dhe dy analiza mjekësore tek Klinika “Kristi”. Projektet sociale për moshën e tretë kanë qënë vazhdimisht në vëmendje të bashkisë e cila pas hapjes së pesë Qëndrave Komunitare ku çdo ditë ofrohet kafe dhe shtypi i ditës falas,si dhe pas promovimit të “Kartës së Pensionistit”e cila mundëson transportin me urban falas në qytet, të tjera projekte të rëndësishme do të vazhdojnë të shihen me prioritet për këtë grupmoshë.