Përmirësohet sistemi i grumbullimit të mbetjeve në qytet
Në Ditën Ndërkombëtare të Mjedisit, Bashkia Korçë ka finalizuar projektin për përmirësimin e sistemit të grumbullimit të mbetjeve të ngurta në qytetin e Korçës. Në kuadër të këtij projekti bashkia ka shpërndarë 125 kosha me katër ndarje për shkollat e qytetit, 120 kazanë me kapacitet 240 litra si edhe 43 kosha publike me kapacitet 40 litra. Gjithashtu bashkia ka shpërndarë 500 kosha me kapacitet 120 litra për banorët e Lagjeve 11 dhe 12. Këto kosha janë shpërndarë falas në çdo familje me qëllim grumbullimin e ndarë të mbeturinave organike dhe atyre të reciklueshme.Në kuadër të kësaj dite kryebashkiaku Niko Peleshi ka qënë edhe në Universitetin ”Fan S. Noli” për të përcjellë para studentëve mesazhin e domosdoshmërisë të mbajtjes pastër të mjedisit.