Ministri i Mirëqenies Sociale dhe Rinisë, z. Erion Veliaj, i shoqëruar nga një pjesë e stafit të ministrisë, Kryebashkiaku i Korçës Sotiraq Filo dhe Prefekti i Qarkut Korçë Ardit Konomi, vizitoi Shtëpinë e Foshnjës “Lulet e vogla ” në Korçë. Pasi u njoh me shërbimin e kujdesit, personelin që kujdeset çdo ditë për vogëlushët por edhe me sfidat e pengesat në mbarëvajtjen e përkujdesit për këta fëmijët, Ministri Veliaj falenderoi stafin e Shtëpisë së Foshnjes për përkushtimin dhe përshëndeti ato familje që birësojnë fëmijët e braktisur. Nga ana tjetër, zoti Veliaj vuri në dukje se ne kemi ende nevojë për të ndërtuar modele kujdesi sa më pranë familjes, modele të cilat mbështesin parandalimin e braktisjes së fëmijëve, ribashikimin me familjen, kujdestarinë e përkohshme dhe birësimin. Pasi përshëndetën fëmijet ata iu ururan Festat e Fundvitit si dhe shpërndanë dhurata me dëshirën dhe shpresën qe viti 2014 të jetë një vit më i mbarë për të gjithë por sidomos për këta vogëlushë të cilët më shumë se kushdo kanë nevojë për një strehë të sigurt dhe të ngrohtë familjare.
