Kreu i Bashkisë Niko Peleshi ka pritur në një vizitë Ambasadorin e Kuvajtit në Tiranë, Najeeb Abdulrahman Al-Bader .Gjatë këtij takimi Al- Bader u shpreh se prej kohësh qëndronte dëshira për të vizituar Korçën. Korça është një qytet që me sa duket falë veçantive në traditë dhe kulturë, ka hyrë në zemër të shumë kolegëve të mij, të cilët më kanë sugjeruar të mos humb rastin për ta vizituar dhe për të mësuar më tepër rreth saj,u shpreh Ambasadori. “ Që nga momenti im i parë këtu, Shqipëria më ka tërhequr shumë, si një vend me bukuri natyrore të jashtëzakonshme, një vend miqësor dhe tepër dashamirës dhe me veçori të ngjashme edhe me vende të tjera të Europës. Kam ndjerë dashamirësinë dhe mikpritjen e popullit shqiptar për Kuvajtin dhe njohuritë që ata kanë për vendin tim, edhe pse gjeografikisht i largët. Dua të theksoj se Shqipëria ka mjaft burime energjetike dhe duhet të shfrytëzohen të gjitha mundësitë që ofron sidomos fusha e bujqësisë. Për këte jam duke vizituar vende të ndryshme të Shqipërisë ndër te cilat edhe Korçën, për të gjetur pikat e përbashkëta për të nisur një bashkëpunim të frytshëm mes dy vendeve”,u shpreh Al-Bader në vizitën e tij
