25 vjet bashkëpunim Shqiptaro- Gjerman për zhvillimin ekonomik dhe kulturor të dy vendeve.
Zv.Kryetari i Bashkisë Korçë Sotiraq Filo ka marrë pjesë në këtë takim në të cilin nderoi me prezencën e tij edhe Ambasadori Gjerman, Helmut Hoffman, i cili në kuadër të 25-vjetorit të marrëdhënieve mes dy vendeve, zhvilloi një takim me drejtues vendore të rajonit. Filo shprehu mirënjohjen dhe falenderoi në emër të bashkisë dhe gjithë qytetarëve të korçës qeverinë gjermane dhe bankën KFW të cilat kanë financuar nje sërë projektesh në Korçë duke përmendur shtrimin e rrjetit te kanalizimeve të UKKO, projektin e ndërtimit të landfildit për grumbullimin e mbetjeve urbane i cili është një projekt pilot etj. Nga ana e tij ambasadori Hoffman pasi përmendi nje sëre projektesh të zbatuara në Korçë,të cilat kapin vlerën 90 milion euro investime nga KFW, premtoi gjithashtu se Rajoni i Korçës do të njohë edhe të tjera investime në fusha të ndryshme, të cilat do të finacohen nga qeveria Gjermane. Në kuadër të këtyre premtimeve, Ambasada Gjermane dhuroi 17 mjete pastrimi për të gjitha njësitë vendore të Qarkut të Korçës. Aktiviteti pasoi me një panair tek Zona Këmbësore, i cili ishte organizuar nga GTZ Korçë me rastin e kësaj dite e cila përkon edhe me ditën e SME-ve.