Bashkia Korçë ka shpallur Konkursin Kombëtar për realizimin e suvenireve te qytetit te Korçës dhe rrethinave.
Duke e konsideruar turizmin si një nga prioritet e zhvillimit të qytetit të Korçës, me numër në rritje të vizitorëve nga viti në vit, suveniret janë gjithashtu një kërkesë në rritje për të gjithë vizitorët që zgjedhin Korçën si destinacion turistik.
Qëllimi i këtij konkursi të parë të suvenireve për Rajonin e Korçës është zhvillimi i mëtejshëm i marketingut të qytetit dhe zonave rreth tij nëpërmjet suvenireve të frymëzuara nga vlerat dhe traditat e këtij rajoni.
Së bashku me partnerët e realizimit të këtij projekti, Organizata për Manaxhimin e Destinacionit (DMO), Agjencia Shqiptare e Zhvillimit të Investimeve (AIDA) si dhe me mbështetjen e Programit të GIZ “Zhvillimi Ekonomik dhe Nxitja e Punësimit” (EDEP) në Shqipëri, Bashkia Korcë synon prurjen e ideve sa më kreative për këtë projekt të ri, me qëllimin final dizenjimin e suvenireve të qytetit.
Afati i fundit i aplikimeve është data 31 Janar 2013.