Kryetari i Bashkisë Korçë Niko Peleshi është vlerësuar nga USAID me çmimin si kryebashkiaku më i përkushtuar dhe i suksesshëm në Shqipëri në zbatimin e programit të qeverisjes vendore të USAID.
Huamarrja vendore, aplikuar për herë të parë në Shqipëri nga Bashkia Korçë, e vlerësuar në shtypin dhe median kombëtare, është një nga projektet më të rëndësishme të zbatura në kuadrin e programit të qeverisjes vendore të USAID.
Nëpërmjet këtij projekti, bashkia ka bërë të munduar sigurimin e fondeve për ndërhyrje në infrastrukturë në shumicën e lagjeve të qytetit, sistemimin e blloqeve të banimit, shtimin e sipërfaqeve të gjelbra etj
100 milion lek të siguruara nëpërmjet huamarrjes vendore, janë përdorur për ndërhyrje në përmirësimin infrastrukturor të shumë lagjeve të qytetit të Korçës. Një pjesë e fondit është përdorur për: rikonstruksionin e plotë të lagjeve 15, 16, 17, pjesërisht ndërhyrje në Lagjen 4, Shëtiroren “Fan S. Noli” (investim në proces), Bulevardin “Republika” si dhe tek Lulishtja tek kisha “Shën Maria”, ndëkohë që janë planifikuar edhe investime të tjera në vazhdim.
Mundësimi i këtij fondi i hapi rrugën investimeve masive në qytetin e Korçës, të cilat mbaheshin peng për shkak të mungesës totale së fondeve nga qeveria qëndrore në këto vite.
Gjithsesi ky është vetëm njeri prej shumë projekteve të rëndësishme të zbatuara me ndërmjetësimin e programit të qeverisjes vendore të USAID. Të tjera projekte janë: Informatizimi i sistemit të taksave, hedhja e bazës ligjore për funksionimin e partneriteteve publiko – private (për herë të parë në Shqipëri), hartimi i projektit të Qendrës Olimpike “Sport Planet” etj