Shkruajmë programin së bashku me qytetarët
Në kuadrin e takimeve të organizuara për shkrimin e programit për katër vitet në vazhdim të orjentuara nga nevojat e qytatarëve dhe grupeve të interesit kryetari i Bashkisë Korçë Niko Peleshi është takuar me anëtarë të Komitetit të Zhvillimit të Turizmit.
Anëtarët e këtij komiteti që janë përfaqësues të pushtetit lokal, operatorëve turistikë, hoteleve, bareve, restoranteve dhe drejtues të muzeumeve në qytet kanë parashtruar idetë e tyre për zhvillimin e sektorit të turizmit i cili ka qënë dhe vazhdon të mbetet një prioritet zhvillimi për bashkinë e Korçës.
Ndër të tjera, të pranishmit pasi kanë vlerësuar zhvillimin e turizmit të festave si një gjetje e re, e veçantë dhe mjaft efektive në këto vite për gjallërimin e jetës në qytet dhe zhvillimin e turizmit lokal, kanë theksuar se në vitet në vazhdim një vëmendje e madhe duhet t’i kushtohet edhe turizmit kulturor me projekte konkrete per rivitalizimine muzeumeve të qytetit dhe promovimit të vlerave kulturore që ka qyteti i Korçës.
Bashkëpunimi efektiv mes bashkisë, operatorëve turistikë dhe aktorëve të tjerë në fushën e turizmit do të ndihmojë për zhvillimin efektiv të këtij sektori me ndikim të drejtpërdrejtë edhe në zhvillimin e ekonomisë lokale.