Vazhdon aksioni “18 ditë për 18 lagje”
Prej disa ditësh Bashkia Korçë ka filluar aksionin e pastrimit “18 ditë për 18 lagje”, një iniciativë e kryebashkiakut Niko Peleshi për pastrimin e pjesëve të problematike, referuar ndotjes në qytet në prag të stinës të ngrohtë. Përveç ndërhyrjes për pastrimin e pjesëve ku nevoja për pastrim ka qënë më e madhe, iniciativa ka për qëllim edhe sensibilizimin e banorëve për mbajtjen pastër të qytetit të tyre .
Punëtorët e Ndërmarrjes së Shërbimeve Publike dhe firmës së pastrimit të qytetit, në vazhdimin e punës të nisur, kanë ndërhyrë për të pastruar dhe evaduar mbeturinat në disa pjesë të Lagjeve 4 dhe 5, si tek rruga “Thanas Mërtiri” dhe sheshi para ish konviktit të shkollës industriale.
Ndërhyrjet e bashkisë për pastrime masive të kësaj natyre kanë qënë të vazhdueshme, por problem vazhdon të mbetet mirëmbajtja e hapësirave të përbashkëta publike nga qytetarët e këtyre zonave.
Përfshirja e qytetarëve në këto iniciativa është një mënyrë për të rritur sensibilitetin e tyre për mirëmbajtjen sistematike dhe të përditshme të hapësirave publike përreth zonave të tyre të banimit.yrjes konkrete, iniciativa synon edhe sensibilizimin e komunitetit te qytetit per mbajtjen e mjediseve te pastra. Inciatica eshte mirepritur nga banoret e te gjitha lagjeve te qytetit te Korces ku eshte perqendruar nderhyrja.