“18 ditë për 18 lagje” në lagjen 12 dhe në pjesën e mbetur të lagjes 10
Aksioni i pastrimit “18 ditë për 18 lagje” ka vazhduar në lagjen 12 të qytetit të Korçës dhe pjesën e mbetur të lagjes 10 tek zona e banuar pranë varrezave të ushtarëve francezë.
Aktualisht në lagjen 12 shumica e rrugëve të lagjes 12 janë të shtruara me kalldrëm dhe mirembahen sistematikisht nga banorët, ndërkohe që po punohet për shtrimin me kalldrëm të rrugëve të mbetura, punë e cila do te mbarojë brenda stinës të pranverës.
Në këtë lagje është punuar për pastrimin e disa sipërfaqeve prapa Pallatit të Kulturës dhe tek rrugica poshtë godinës të Albtelekom.
Në lagjen 10 tek zona e banuar pranë varrezave të ushtarëve francezë është punuar për pastrimin e sipërfaqeve të lira dhe ambienteve mes pallateve.
Edhe banorët e këtyre pjesëve të qytetit duke përgëzuar iniciativen e bashkisë për pastrimin e pjesëve të ndotura të qytetit në prag të stinës të ngrohtë duke e venë edhe njëherë theksin tek rëndësia qe ka kontributi dhe ndërgjegjësimi i vetë banorëve të qytetit të Korçës për mirëmbajtjen e mjediseve të pastra.