Shkruajmë programin së bashku me qytetarët
Në kuadrin e takimeve që po zhvillon kryetari i bashkisë Niko Peleshi për shkrimin e programit për katër vitet në vazhdim me qytetarë dhe përfaqësues të grupeve të ndryshme të interesit, është takuar edhe me përfaqësues të biznesit të vogël në qytetin e Korçës.
Kryetari i Shoqatës të Biznesit të Vogël Albert Nasto i pranishëm në takim, ka falenderuar në emër të komunitetit të biznesit korçar kryetarin Niko Peleshi për bashkëpunimin dhe mbështetjen sistematike të bashkisë në këto katër vite në luftën ndaj informalitetit, lehtësitë fiskale, informimin dhe mbështetjen e vazhdueshme.
Vendosja e pullave të sigurisë për bizneset e licensuara, sistemi i denoncimit dhe kontrollit të informalitetit online, lehtësitë fiskale, informimi i vazhdueshëm etj, kanë qënë disa nga hapat më të rëndësishëm të ndërmarra nga Bashkia Korçë në ndihmë të biznesit të vogël lokal.
Përfaqësuesit e biznesit korçar të pranishëm në takim i kanë prezantuar kryetarit të bashkisë ide të reja për katër vitet në vazhdim në menyrë që bashkëpunimi efektiv në të mirë të biznesit korçar dhe zhvilimit ekonomik të qytetit të Korçës të vazhdojë.