Gratë meritojnë vëmendje dhe vlerësim në çdo ditë të vitit
Në pikat kryesore të qytetit të Korçës ,Bashkia korçë ka shpërndare karafila për gratënë ditën e festës së tyre.
Duke vlerësuar gruan dhe kontributin e saj si një faktor shumë të rëndësishëm në zhvillimin dhe emancipimin e shoqërisë , në 100 vjetorin e Ditës Ndërkombëtare të gruas kryetari i bashkisë Niko Peleshi ka takuar dhe uruar gra të grupmoshave të ndryshme në qytet.
Mëngjesin e kësaj dite ai zgjodhi të urojë gratë punëtore të n jë prej ndërmarjeve më të mëdha të konfeksioneve për të vijuar më pas në një takim festiv me gra të komunitetit Rom dhe Egjyptian.
Në këtë takim në mënyrë të veçantë kryebashkiaku ka vlerësuar gratë e pranishme të cilat kanë guxuar të thyejnë mentalitetin e komuniteteve prej nga ato vijnë duke qënë aktive dhe të sukseshme në jetën komunitare .
Aktivitetet e organizuara në këtë ditë u mbyllën me shfaqjen e premierës “…sepse gratë në këtë qytet meritojnë më shumë” e cila nën kujdesin e veçantë të kryetarit të bashkisë është shfaqur për qindra gra korçare.