Ka përfunduar mbjellja e 130 pemeve të reja në Lagjen 17 të qytetit të Korçës.
Për herë te parë në dhjetra vite investohet në këtë lagje të qytetit të Korçës duke asfaltuar rrugë e duke sistemuar e gjelberuar sheshet mes pallateve të kësaj zone.
Duke inspektuar punimet për përmirësimin e infrastrukturës të kësaj lagjeje kryetari i Bashkise Korçë Niko Peleshi i ka bërë thirrje komunitetit të mirëmbajë investimet dhe të mos dëmtojë pemët e mbjella në këtë sezon në çdo cep të qytetit.
“Rrugët dhe sheshet e qytetit, nuk kanë ngjyra, ato janë të të gjithëve, qyteti është i të gjithëve dhe ne do të punojmë me shume dashuri çdo ditë për të” – ka theksuar kryebashkiaku.
Mbjellje pemesh te reja dhe zevendesim të pemëve të dëmtuara Ndërmarrja e Shërbimeve Publike pranë Bashkisë Korçë po bën edhe në Lagjet 9,10,15, 16 etj.
Mbi 1000 pemë të reja do t’I shtohen qytetit të Korçës në kët ësezon të ri mbjelljesh. “Korça e bukur” është iniciativa më e re e kryebashkiakut Niko Peleshi për shtimin e gjelberimit në qytet duke përfshirë edhe kontributin e vetë banorëve të qytetit.