Si ishte
Prej disa ditësh Bashkia Korçë ka nisur punimet për rikonstruksionin e segmentit të fundit të Bulevard “Republikës”, që shtrihet nga sheshi para kinemasë deri tek godina e Albtelekomit.
Projekti i miratuar me vendim të KRRT, në maj të këtij viti, parashikon rikonstruksionin e rrugës duke e standartizuar atë sipas gjerësisë së bulevard “Republikës”, si dhe krijimin e një hapësire rekreative tek sheshi para kinemasë.
Zbatimi i këtij projekti do të sjellë zgjidhjen përfundimtare të situatës kaotike të qarkullimit dhe parkimit të automjeteve që ekzistonte më parë në këtë pjesë qendrore të qytetit. Projekti po zbatohet nga firma gjermane Faifer, së cilës i është miratuar leja e ndërtimit sipas projektit të miratuar me 100% të votave nga KRRT e Bashkisë Korçë.
