Një takim njohës dhe konsultativ është zhvilluar në Bashkinë e qytetit të Korçës në prezencën e Ambasadorit të OSBE në Shqipëri Robert Bosh.
Gjatë bisedës me Kryetarin e Bashkisë së Korçës Niko Peleshi, është diskutuar në detaje për mjaft çështje të rëndësishme, të cilat kanë të bëjnë me zhvillimin e demokracisë lokale, pjesëmarrjes qytetare në proceset vendimmarrëse të Bashkisë dhe probleme të tjera. Kryebashkiaku Peleshi falenderoi prezencën e OSBE-së në mbështetjen e projekteve të tilla të Bashkisë Korçë si ato të zhvillimit ekonomik e urban, ndërtimin e fondit të zhvillimit të Shoqërisë Civile, ekspertizën e ofruar në proceset e vendimmarjes etj.
Ambasadori i OSBE në Shqipëri Robert Bosh vlerësoi arritjet e Bashkisë Korçë gjatë këtyre viteve të fundit, të cilat janë shembuj mjaft pozitivë që mund të ndiqen në të gjithë vendin. Të dy titullarët ndanë shqetësimet e përbashkëta për zhvillimin e ardhshëm të qytetit.