Fondi i Këshillit të Europës me destinacion restaurimin e Pazarit të Korçës, është bllokuar për shkak të disa procedurave burokratike. Për të diskutuar rrugët se si mund të zhbllokohet sa më shpejt ky fond dhe për të bërë një rivlerësim për ndërhyrjen në fazën e parë dhe më pas për restaurimin total të këtij pazari, në Bashkinë e Korçës u zhvillua një takim, ku morën pjesë ekspertë të Komisionit Europian, përfaqësues të Ministrisë së Turizmit dhe Drejtorisë së Përgjithshme të Monumenteve të Kulturës.Lajmi i mirë është se është fituar një fond nga Komisioni Europian me vlerën prej 1.5 milion eurosh, me te cilin do të financohet Faza e Parë e ndërhyrjes në Pazarin e Korçës. Bashkia e Korçës kërkon që ky fond të mos vonohet nga burokracitë e ndryshme, por të gjitha institucionet në nivel qëndror dhe lokal të kontribojnë për thithjen e këtij fondi, i cili do të çojë në rivitalizimin e ketij pazari, duke çuar në përmirësimin e infrastrukturës në njësitë tregëtare të tij por edhe në tendat.
Me këtë përmirësim, Pazari i Korçës, i cili mban statusin si Monument Kulture i kategorisë së parë, do të kthehet realisht në atraksion, në një monument kulture të vizitueshëm, duke tërhequr turistë të shumtë vendas e të huaj.