Jorgjie (Filce) Truja, Dhora Leka dhe Andromaqi Gjergji, janë 3 figura të shquara të qytetit të Korçës, të cilat marrin titullin e lartë “Qytetar Nderi” në ceremoninë e zhvilluar në Bibliotekën e qytetit ku morën pjesë miq, familjarë e të ftuar të tjerë.
Koha në të cilën kanë jetuar dhe kanë dhënë kontributin e tyre artistet Jorgjie Truja dhe Dhora Leka në fushën e muzikës klasike dhe të artit skenik, si dhe Andromaqi Gjergji si një ndër pionieret e para në fushën e etnografisë shqiptare dhe artit popullor, , tregon për zhvillimin e madh, qytetarinë dhe veçanërisht për emancipimin e thellë që kishte përfshirë qytetin e Korçës në vitet ‘ 30.
Për këto tre gra, me kontribut të shquar, titulli u dha nga Kryetari i Bashkisë Niko Peleshi dhe Kryetari i Këshillit Bashkiak Gjergji Pendavinji.
Znj.Jorgjia Filice Truja, i jepet titulli i lartë: “Qytetar Nderi i qyteti të Korçës” me motivacionin:
“Një artiste brilante për meritat e saj të çmuara, në ngritjen e institucioneve kombëtare ,artistike dhe një ndër pedagoget e para të shkollës muzikore shqiptare” .
znj.Dhora Leka i jepet titulli i lartë : “Qytetar Nderi i qytetit të Korçës” me motivacionin : “Për krijimtarinë muzikore dhe krijimin e një tradite shqiptare të këngës partizane”.
znj.Andromaqi Gjergji, i jepet tittulli i lartë : “Qytetar Nderi i qytetit të Korçës” me motivacionin :
“Shkencëtares korçare, anëtares së parë femër të Akademisë së Shkencave për kontributin e paçmuar në fushën e etnografisë dhe artit popullor, duke u bërë pjesë e etnografisë europiane dhe botërore“.