Në datat 28 dhe 29 maj Bashkia Korçë çeli sezonin turistik te qytetit me Festivalin Nderkombetar te Karnavaleve, organizuar për të tretin vit në qytetin e Korçës. Një feste e madhe ne qytet që përfshiu veç grupeve nga vendi dhe bota edhe qindra qytetarë me veshjen dhe maskën e karnavalit.
Ditën e parë, festa filloi me paradën e grupeve të karnavaleve nga shkollat e qytetit nga katedralja ne drejtim te Parkut ”Rinia” për të kulmuar ditën e shtunë, me performancën e rreth 40 grupeve shqiptare dhe të huaja ne sheshin para Katedrales. Grupet pjesëmarrëse ne festival, sollën larmi elementësh dhe fabulash, duke filluar që nga arapët me zile të karnavaleve tradicionale të Polenës, karnavalet groteske të Korçës të viteve ’20-’30, elementëve të traditës të vendeve fqinje, qyteteve shqiptare dhe etnive të rajonit tonë. Këtë vit spikatën edhe fabulat e reja të grupeve përfaqësuese të qytetit të Korçës si ”Anija pirate” , ” Bluz Brothers Show” , ”Lufta e gjelave”, ”E bukura korçare” etj, që sollën gjallëri dhe u mirëpriten nga qytetarët e pranishëm. Karnavalet 2010 u mundësuan nga kompania celulare AMC.