Ashtu si çdo vit, Kryetari i Bashkisë Niko Peleshi ka qenë pranë fëmijëve të Shtëpisë së Foshnjës në Ditën Ndërkombëtare të Jetimëve ku ka dhuruar për ta lodra dhe veshje. Ndërsa fëmijët, dhuruan për të dhe të gjithë të pranishmit vjersha, këngë, fabula dhe shumë buzëqeshje.
Nga kjo shtëpi e ngrohtë, Kryebashkiaku Peleshi përcolli mesazhin se një qytet duhet të ketë fytyrën e vet sociale dhe këtë e arrin vetëm duke iu qëndruar pranë dhe duke iu krijuar kushtet për zhvillim, të gjithë fëmijëve dhe shtresave në nevojë.