“Jepi zgjidhje”, një iniciativë e Kryebashkiakut Niko Peleshi, mund të konsiderohet tashmë si projekti më i suksesshëm i zbatuar nga Bashkia e Korçës në ndihmë të qytetarëve. Brenda vetëm 1 JAVE ky projekt u ka dhënë zgjidhje të plotë të gjitha problematikave të ngritura nga qytetarët në:
Takimet e drejtpërdrejta me Kryetarin e Bashkisë
Telefonatat në numrin pa pagesë 0800 60 60
Probematikat e paraqitura pranë 3 Rajoneve Administrative të Bashkisë Korçë
Në tre takimet e Kryetarit të Bashkisë Korçë, Niko Peleshi, me banorët e qytetit të Korçës, të zhvilluara gjatë muajit maj, u konstatua një rritje e ndjeshme e numrit qytetarëve pjesëmarrës dhe e atyre që e morën fjalën, por edhe larmishmëri dhe përgjegjshmëri qytetare e shqetësimeve dhe e problematikave të ngritura.
Vetëm në lagjet e Rajonit Administrativ Nr. 1, kanë marrë zgjidhje brenda 6 javësh, 140 kërkesa të qytetarëve dhe për Rajonin Nr. 3 kanë marrë zgjidhje 139 kërkesa të qytetarëve, të cilët kanë telefonuar, kanë denoncuar, apo janë ankuar dhe kanë dhënë informacione të ndryshme lidhur me spektrin e problematikave që u jep zgjidhje projekti në fjalë.
Kryetari i Bashkisë Niko Peleshi inkurajon të gjithë qytetarët të përfshihen në këtë projekt, duke iu bërë njëkohësisht thirrje për ndërgjegjësim, pasi qytetarët kanë jo vetëm të drejtën të kërkojnë, por edhe detyrën të mirëmbajnë atë që bën Bashkia.