Të dashur bashkëqytetarë,
Me fillimin e rikonstruksionit të rrugëve në Lagjet 11, 12 si dhe me çeljen e financimit prej 15 mln euro për përfundimin e rikonstruksionit të sistemit të kanalizimeve dhe rrugëve në Lagjet 1,2 dhe 3, fillon modernizimi me standarte europiane i këtyre lagjeve.
Një sërë projektesh janë bërë gati për të filluar edhe në blloqet e pallateve në lagjet 15, 16 dhe 17 ku sapo ka përfunduar rikonstruksioni i sistemit kanalizimeve .
Punimet për rikonstruksionin e kolektorit kryesor të kanalizimeve në qendër janë gati. Projekti i hartuar nga bashkia për rikonstruksionin e rrugës, i ka paraprirë këtij momenti. Ne kemi siguruar edhe financimin dhe jemi gati të rikonstruktojmë rrugën nga Kinema “Milenium” deri tek Poliklinika, në mënyrë përfundimtare, pa vonuar bllokimin e këtij aksi të rëndësishëm për makinat dhe kalimtarët.
Rruga do të shtrohet me stilin e Bulvardit “Republika” dhe ju siguroj që në përfundim do të jetë kilometri më i bukur në Shqipëri.
E ndërkohë që qyteti është përfshirë në punë dhe projekte për zhvillimin dhe modernizimin e tij, si ne çdo rast te ngjashem ne histori, jane aktivizuar edhe disa forca te kunderta, penguese, jo civile madje edhe jopolitike. Sepse une nuk mund te mendoj se tendenca per te bllokuar investimet publike ne rruget kryesore te qytetit dhe blloqet e pallateve si dhe rikonstruksionin e rrjetit te kanalizimeve ne qender dhe ne lagjet 1,2 dhe 3, eshte nje projekt politik i kujtdo partie.
Partitë përbëhen nga njerëz dhe këta njerëz, socialistë apo demokratë, me parti apo parti, janë para së gjithash banorë të këtij qyteti, dhe e duan njëlloj qytetin, më të mire, me te bukur per vete dhe femijet.
Por për fat të keq ndodh ndonjëherë, që një drejtues partie si Gjergji Papa të flasë dhe të sillet në emër të një partie, ndërkohë që përfaqëson vetëm mllefin, urrejtjen dhe hakmarrjen personale te cilat do qe me cinizem Tja veshe partise se vet, anetareve ne KB dhe aq me keq akoma anetareve teknike te keshillit te rregullimit te territorit.
I them këtij njeriu se unë drejtoj bashkinë e qytetit me vullnetin e qytetareve qe nuk të besuan ty, sepse nuk besuan qe Korça mund te ndertohet me urrejtje por me dashuri dhe pasion, nuk besuan se te drejtat e veta per prosperitet, qyteti i fiton duke perkedhelur xhaketen e pushtetarit te rradhes por duke ditur te biesh dakort me cilindo që është i dobishem per qytetin dhe te mos biesh dakord e madje ta kapesh nga xhaketa cilindo qe nuk perkrah interesat e qytetit qofte ky edhe i partise tende.
Të kam parë të shfaqesh si antikomunist në Tiranë, për t’u dukur ne trendin e te tjereve dhe si komunist fanatik ne Korçe, teksa merresh me shtepine e kryetarit te bashkisë. Po z.Papa, une kam ndertuar shtepine dhe jeten time ne qytetin qe dua. Këtë e kam bere ne emrin tim, ne mes te dites dhe mbi bazen e pasurise te deklaruar sistematikisht prej 5 vjetesh. Ti me mentalitetin tend komunist hidherohesh kur dikush nderton, ndersa une punoj qe te ndertojne te gjithe.
Kush je ti që megjithese ke marrë një votë kundër ne vitin 2007 dhe nje vote tjeter kunder ne vitin 2009, perdor mandatin e drejtuesit te partise per te penguar nje qytet te tere?
Si guxon ti të flasesh me gjuhën e ligjeve për të perligjur urdhrin politik per te votuar ne bllok kunder investimeve ne qytet?
Në emër të qytetareve të Korçes te bej thirrje qytetare te largosh duart nga punet e qytetit se qyteti te ka thene JO.
Mos u bej shembulli me i keq i drejtuesit te partise duke politizuar çdo gje, qe nga fshesa e pastrueseve e deri te qendra e qytetit.
Mos u bej shembulli i deputetit që nuk flet asnjeherë për të ndertuar por vetem per te penguar, se kjo nuk i takon Korçes. Fillo te mendosh si mund te lobohet ne mbrojtje te interesave te qytetit te cilat jane me aftgjata se partite.
Ti Z. Papa bëj zgjedhjen tënde, veçse të garantoj se filozofise tende se me mire te ndeshkohet i gjithe qyteti sesa te marre meritat e punes Niko Peleshi nuk mund ti gjesh dot mbeshtetes.
Unë të ftoj përsëri të debatojmë para publikut për çdo merak që ke, madje te inkurajoj ta riprovosh sesi nuk fitohet ne zgjedhjet e ardhshme lokale ku une do te rikandidoj dhe do te mandatohem per te vazhduar punen dhe projektet, per te gjithe qytetin dhe qytetaret, pavaresisht nga bindjet politike dhe perkatesite partiake.
Z.Papa rrugët e zhvillimit të qytetit nuk janë as blu as të kuqe, ato janë rrugët e të parëve dhe të fëmijëve të një qyteti që spikat jo për urrejtje por për qytetari.
Korçë, më 17.05.2010