Deshtoi mbledhja e KRRT-së së datës 12.05.2010 e thirrur nga Kryetari i Bashkisë Niko Peleshi, me objekt rimarjen në shqyrtim të Vendimit “Për rikonstruksionin e rrugës dhe sheshit nga Kinema “Milenium” deri tek Poliklinika e qytetit, e cila u kthye për rishqyrtim në mbledhjen e fundit të Këshillit Bashkiak. Disa nga anëtarët e kësaj KRRT-je u larguan me pretendimin se kjo mbledhje eshte e jashteligjshme pasi nuk është zbardhur akoma vendimi i Këshillit Bashkiak nga Prefektura.
Kryetari Bashkisë së Korçës Niko Peleshi kërkoi nga anëtarët e këtij këshilli, që të diskutojnë teknikisht, ashtu siç kanë bërë deri tani, duke ruajtur imazhin e këtij këshilli në zbatim të ligjit.
“Qytetarisht ju kërkoj të qëndroni brenda etikës suaj profesionale, pa u ndikuar politikisht, në të mirë të qytetarëve, në të mirë të qytetit tonë të përbashkët”, – u shpreh para këtij këshilli Kryetari i Bashkisë së Korçës, Niko Peleshi.
Projekti për rikonstruksionin e kësaj pjese të qytetit, u kthye në një moment kur është firmosur ndërhyrja në kolektorin kryesor të sistemit të kanalizimeve pas së cilës, ndërhyrja për rikonstruksionin e kësaj rruge është mjaft e domosdoshme. Bashkia e Korçës i ka paraprirë kësaj duke bërë gati projektin e rikonstruksionit që para 3 vjetësh.. nga ana tjetër ajo nuk mund të lejojë të hapet bulevardi për kanalizimet e më pas të qëndrojë ashtu pa u rikonstruktuar rruga.
Projekti për rikonstruksionin e rrugës dhe sheshit nga Kinema “Milenium” deri tek Poliklinika e qytetit, është i ligjshëm, i detajuar, i konsultuar me specialistët dhe i koordinuar më së miri me projektin e kanalizimeve. Ai do të transformojë dhe do të harmonizojë qendrën e qytetit tonë, duke e bërë atë më moderne, më miqësore për qytetarët dhe vizitorët, më dinjitoze për gjithsecilin nga ne.