Në një ceremoni përkujtimore në Varrezat e Deshmorëve, u nderuan sot në ditën e tyre, të rënët për atdhe në Luftën Antifashiste Nacionalçlirimtare.
Në ceremoninë e rastit morën pjesë Kryetari i Bashkisë së Korçës Niko Peleshi, Kryetari i Këshillit të Qarkut të Korçës Ilia Milo. Prefekti i Qarkut Korçë Andrea Mano, përfaqësues të shoqatave të LANC-it, familjarë të dëshmorëve dhe mjaft qytetarë të tjerë. Në këtë ceremoni mori pjesë gjthashtu edhe Deputete e Korçes Mimi Kodheli.
Fjalën e rastit e mbajti Kryebashkiaku i Korçës Niko Peleshi. Më pas, nën tingujt e marsheve të bandës së qytetit, tek monumenti i luftëtarit kombëtar u vendosën kurora dhe buqeta me lule.
Ashtu si në çdo 5 Maj, populli i Korçës nderon sot martirët e tij, bijtë e idealeve të pastra e të thella të lirisë e prosperitetit, bijtë e sakrificës deri ne vetëmohim për atdheun, të mbrujtur me plot besim e dashuri, ideale të cilat vazhdojnë të mbeten model inspirimi për çdo brez.
Historia është thesari i bëmave të një kombi ,është dëshmuese e së kaluarës, shembull dhe mësim për të tashmen.
Dhe pikerisht,ajo ç’ka bashkon më shumë shqiptarët ashtu si çdo komb tjeter është historia me gjithe ngjarjet dhe datat e saj.
Në kalendarin historik të kombit tone, 5 maji ka qenë dhe do të vazhdojë të jetë një datë historike, një ditë nderimi për ata që dhanë jetën për lirinë e Kombit.