Planifikimi funksional i zonave të ndryshme të qytetit të Korçës, i cili është një hap larg Planit Rregullues të qytetit të Korçës, dhe që po hartohet nga konsorziumi izraelito –grek në bashkëpunim me Bashkinë e Korçës, u konsultua sot me ndërtuesit e qytetit. Gjatë hartimit të tij, kanë dalë mjaft pikëpyetje dhe çështje të diskutueshme, të cilat me ligjin e ri nuk mund të marrin përgjigje. Konsultimi me specialistë dhe grupet e interesit edhe pse është bërë disa herë, del sërish i nevojshëm në mënyrë që Plani i ri Rregullues i qytetit, që parashikohet t’i shërbejë atij për 20-30 vitet e ardhshme, të jetë sa më i qëndrueshëm. Një konsultim tjeter do të zhvillohet edhe me arkitektët.
