Bashkia e Korçës publikon “Incentivat fiskale 2010” me anën e të cilave stimulohet hapja e bizneseve të reja në qytetin tonë, duke u ofruar atyre bashkëpunim, mbështetje, promovim dhe informacion. Paketa fiskale 2010, përfshin incentiva fiskale për kategori të caktuara biznesi siç janë artizanati, teknologjitë e informacionit, turizmi, por edhe kategori të tjera që fokusohen në fushen sociale dhe atë të arsimit.
Nga kjo paketë përfitojnë të rinjtë, studentë të diplomuar në Universitetin “Fan S.Noli” Korçë, në vitet 2008,2009, të cilët duan të hapin aktivitet gjatë vitit 2010, si dhe studentë të diplomuar jashtë qytetit të Korçës dhe jashtë Shqipërisë për periudhen 2004-2009 të cilët kërkojnë të kthehen në Korçë për të hapur aktivitet
biznesi gjatë vitit 2010. të gjithë këta, përfitojnë Tarifë Regjistrimi zero dhe 30 % ulje në Taksën Vendore të Biznesit të Vogël.