Në përvjetorin e 40-të të Ditës së Tokës, Bashkia e Korçës ka vijuar fushatën e saj sensibilizuese për këtë temë kaq të prekshme, me mesazhet ” Ne jemi pjesë e Tokës” dhe ” Të gjithë së bashku mund të kontribojmë në ruajtjen e Tokës sonë dhe në mbrojtjen e mjedisit përreth”. Në këtë mënyrë Bashkia e qytetit i bashkohet sensibilitetit mbarëbotëror për ruajtjen e mjedisit të planetit tonë. Gjatë këtij viti, Bashkia e Korçës është fokusuar në rritjen e sipërfaqeve të gjelbra në qytet, duke patur edhe bashkëpunimin e komunitetit në mirëmbajtjen e tyre.
Mesazhi i hedhur nga Kryetari i Bashkisë Korçë në këtë ditë është: “Të punojmë së bashku për një Korçë më të gjelbër”.
Vetëm gjatë 2009-ës, Bashkia e Korçës ka krijuar dhe rigjeneruar disa lulishte të reja siç janë:
Lulishte në dy segmente përgjatë Shëtitore “Fan Noli”; lulishte të reja në Rruga “Partizani” ku përfshihet një në bllokpallatesh dhe disa te tjera në të dy krahët përgjatë këtij bulevardi; lulishte në Lagjia 6; lulishte e re në Lagjen 18 si dhe rigjenerim i disa sipërfaqeve të tjera në këtë lagje; lulishte e re mbrapa spitalit të qytetit tek Rruga “Todi Vogli”.