Kryetari i Bashkisë së Korçës Niko Peleshi është shpallur si kryetari më miqësor ndaj çështjes rome në Shqipëri.
Kryebashkiaku Peleshi fiton kështu garën mes kryetarëve të bashkive dhe komunave shqiptare, në kuadër të fushatës europiane “Romët Tipikë”, e cila është një fushatë ndërkombëtare për të respektuar qytetarinë e të gjithëve, në një shoqëri të vetme, duke synuar të promovojë imazhin e romëve dhe të forcojë zërin e tyre, me qëllim që të ngrihen kundër diskriminimit dhe stigmatizimit.
Kryebashkiaku i Korcës Niko Peleshi ka kryesuar listën e drejtuesve të tjerë të pushtetit vendor në Shqipëri, pas vlerësimit dhe votimit të bërë nga përfaqësues romë dhe jo romë të shoqërisë civile, gazetarë dhe përfaqësues qeveritarë.
Së bashku me fituesit e tjere të këtij çmimi nga Bullgaria, Maqedonia, Rumania dhe Moldavia, Kryetari i Bashkisë së Korçës Niko Peleshi ka marrë pjesë në Samitin e Dytë të Romëve në Cordoba të Spanjës, në të cilin përfshin komisionerë të BE-së, si dhe përfaqësues të lartë të të gjitha qeverive dhe shoqërinë civile rome.
Bashkia Korcë gjatë kësaj kohe ka implementuar një sërë projektesh në mbështetje të komunitetit rom, të cilat kanë patur impakt konkret në përmirësimin e cilësisë së jetës së këtij komuniteti në qytetin e Korcës.
Rikthimi në shkollë i 30 fëmijëve romë
Largimi i fëmijëve nga rruga
800 fëmijë u sensibilizuan dhe vijojnë të sensibilizohen për rreziqet e rrugës dhe të drejtat e fëmijëve. Nga këta 450 përfituan ndihmë të drejtpërdrejtë. 30 fëmijë ndiqen nga psikologu i shkollës.
Tekste dhe mjete shkollore falas
200 fëmijë kanë përfituar mjete shkollore falas për 100 fëmijë të tjerë
tekste shkollore.
Strehimi i familjeve në nevojë.
24 familje rome janë strehuar në apartamente me kredi të ulët.
Rikonstruksioni i një godine të përbashkët ku jetojnë disa familje rome dhe egjiptiane në bashkëpunim me organizata rome.
Kopshti rom
Bashkia Korçë mbulon kostot operative
Kënd i ri lojrash për fëmijët
Kampet Verore
Nga 250 fëmijë që frekuentuan kampin, rreth 40 % kanë qenë fëmijë romë
dhe egjiptianë nga familje me probleme social-ekonomike
Lehtësi biznesi për sipërmarrësit e rinj
Të rinj të komunitetit rom dhe egjiptian u trajnuan në profesione si elektricist, hidraulik, mobilieri, parukeri dhe rrobaqepësi .
Grande për familjet në nevojë
100.000 Lekë për 20 familje rome të shoqëruara me një kredi të lehtë me
interes të papërfillshëm për hapjen e një biznesi familjar.
Investime komplekse ne infrastrukturen e lagjeve rome etj
Me një vizion drejt një qyteti gjithëpërfshirës, Kryetari i Bashkisë së Korçës do të vazhdojë të mbështesë politikat sociale që favorizojnë komunitetin rom dhe që ndihmojnë intergrimin e tij në qytet, komb dhe të gjithë Europën. Si njohës i mirë i traditave, kulturës dhe gjuhës rome, Kryetari i Bashkisë së Korçës mendon se një qytet ku integrohen vlera, tradita, gjuhë dhe zakone të ndryshme, është një qytet gjithëpërfshirës, më i bukur dhe me më shumë vlera të shtuara konkuruese.