Nderim dhe respekt per mesuesit, edukatorët e brezave!
Ky ishte mesazhi që përcolli Bashkia e Korçës në pritjen kokteil të zhvilluar me rastin e 7 Marsit, festës së mësuesit tek bar Elysse. Festa ribashkoi pas shumë vitesh mësuesit ndër vite dhe jo vetëm ata, duke u kthyer në një takim mes gjeneratave të ndryshme të mësuesve, por edhe të mësuesve me nxënësit e tyre. Takimi i kushtoi një pritje nderi këtyre flokëbardhëve, veteranëve të arsimit, të cilët punuan gjithë jetën në këtë profesion kaq të dashur duke edukuar me profesionalizëm, përkushtim dhe fisnikëri disa gjenerata të rinjsh. Urimi dhe falenderimi për ta u përcoll përmes emocionesh nga Kryetari i Bashkisë Niko Peleshi, i cili përcolli njëkohësisht edhe vargjet e poetit korçar Skënder Rusi kushtuar mësuesve.