Surprizë, gëzim dhe sigurisht emocione të forta mund të ndjesh edhe ne moshën 90- vjeçare, kur papritur Kryetari i Bashkisë vjen tek porta e shtëpisë dhe të uron “Ditë të bardha!” dhe “Jetë të gjatë!”.
Këto emocione provoi nënë Gliqeria kur Kryetari i Bashkisë Niko Peleshi, përmes përqafimesh dhe urimit për një jetë të gjatë, i dhuron Gliqeri Çekanit në 90-vjetorin e lindjes së saj një buqetë lulesh të freskëta. Me një kujtesë krejt të freskët nënë Gliqeria bashkëbisedon dhe tregon për familjen e saj, bashkëshortin, 2 vajzat dhe djalin me të cilët ka kaluar një jetë të qetë e të gëzuar. Ajo ka endur ne tezgjah me dashuri dhe pasion dhjetëra e qindra qilima e kuverta për vajzat e nuset e qytetit, të cilat fejoheshin, martoheshin e lindnin fëmijë. Ndaj ajo sot ndihet e realizuar dhe nuk i ndjen 90 vjetët në supet e saj.
Kryetari i Bashkisë Niko Peleshi shpegon se ky është një mesazh se si qyteti ynë, nqs do të arrijë të lindë, të rritë e t’i mplakë qytetarët e tij, në kuptimin e bardhë të fjalës, atëherë ia kemi arritur qëllimit. Kjo tregon që ne kemi një qytet që ia vlen të shkollohesh, ja vlen të jetosh, të punosh e të kontribosh e në fund të fundit, ia vlen të mplakesh.