“Korçës një fjalë dashurie” është përmbledhja më e fundit me poezi e lirikut korçar Skënder Rusi, e cila erdhi për lexuesin korçar si dhurata më e bukur në këtë fundviti. Ashtu si në tërë krijimtarinë e tij ku spikat lirizmi, edhe kjo përmbledhje spikat për nota të forta të dashurisë si ndjenja më e fortë njerëzore, në veçanti për dashurinë për Korçës, duke e kthyer atë në mision. Poezitë e tij mishërojnë diçka nga shpirti i korçarit siç është adhurimi për Korçën. Në mesditën poetike mes miqsh, poetësh e artistësh, Rusi renditet në misionin e tij krahas Tefta Tashko Koços, Vangjush Mios dhe Kristaq Sotirit. Skënder Rusi është krijuesi i metaforës së madhe “Korça Zonjë”.
“Korçës një fjalë dashurie”, libri me i fundit i lirikut Skender Rusi
