Me qëllim krijimin e mundësive për të rinjtë e moshës 16 – 24 vjeç për të përfituar ulje në shërbime dhe mallra, si në sektorin publik ashtu dhe në atë privat Bashkia Korçë do të implementojë së shpejti Projektin “Karta 16/24”.
Të rinjtë e kësaj grupmoshe (16 – 24 vjeç) do të stimulohen për të pasur më shumë facilitete dhe shërbime duke u pajisur me një kartë të personalizuar me anë të së cilës do të përfitojnë një spektër të gjerë shërbimesh me çmime më të ulëta.
Të rinjtë e pajisur me Kartën 16/24, do të mund të përfitojnë ulje çmimesh për transportin urban, hyrjen në Teatër, Stadium, Kinema, Bare, Restorante,Laboratore Fotografike, njësi të tregëtimit të Materialeve Shkollore etj.
Qëllimi i zbatimit të këtij projekti është ndër të tjera nxitja dhe gjallërimi jetës social kulturore të të rinjve të qytetit dhe motivimi i tyre për të studiuar dhe jetuar në qytetin e Korçës.