Pjesa qëndrore e qytetit të Korçës kompletohet me tabelat e emërtimit të rrugëve. Pas përfundimit të procesit të ëmërtimit dhe numërtimit të rrugëve nga Drejtoria e Planifikimit Hapësinor dhe Projekteve në Bashkinë Korçë, me një fond nga të ardhurat e veta, Bashkia përfundoi vendosjen e kësaj sinjalistike në Lagjet 11 e 12 të qytetit që përfshihen në Unazën e Vogël.Tabelat floreshente, të një standarti shumë të lartë respektojnë kërkesat e Kodit Rrugor, dhe kuadrit ligjor. Ato kanë hijeshuar pamjen e rrugëve e bulevardeve duke lehtësuar ndjeshëm edhe nevojat e qytetarëve. Vendosja e tabelave të emërtimit të rrugëve në pjesën tjetër të qytetit, do të bëhet me një fond të Bankës Botërore, i cili pritet të tenderohet shumë shpejt dhe brenda vitit 2010 e gjithë Korça do të kompletohet me këtë sistem të ri, ku përfshihet edhe numërtimi i banesave edhe në zonat informale.