Bukuritë natyrore të Korçës edhe këtë vit frymëzuan penelin e piktorëve të ardhur nga vende të ndryshme të botës në Koloninë Ndërkombëtare të Arteve Figurative ” Ditët e Mios”. Ky projekt, i cili e ka siguruar tashmë suksesin e tij që prej tre vjetësh, si një bashkëpunim i Bashkisë së qytetit me Qendrën Kulturore “Vangjush Mio”solli në Korçë emra të rinj e të vjetër, artistë të afirmuar ndër të cilët Skënder Kamberi, Buron Kaceli, Xhaneta Kadillari etj. Ndër 40 piktorët pjesëmarrës, 10 janë nga Qarku i Korçës, 3 pedagogë nga Prishtina dhe 15 piktorë të tjerë janë nga pjesa tjetër e Shqipërisë. Për artistët pjesëmarrës krijimet e këtij viti shënuan një rritje cilësore krahasuar me dy vitet e para duke i siguruar kolonisë vazhdimësi të suksesshme.
Një tjetër ngjarje e rëndësishme do të pasojë Koloninë e Piktorëve është ajo e muajit dhjetor, Konkursi Kombëtar i pikturës “Vangjush Mio”, në të cilin u ftuan të marrin pjesë krahas pjesëmarrësve të kolonisë edhe piktorë të tjerë.