Më 14 shtator, ditën e parë të shkollës, Krytari i Bashkisë Niko Peleshi ka shkuar mes nxënësve, mësuesve dhe prindërve të Shkollës së Re, të cilët këtë vit do të zhvillojnë procesin mësimor në ambjente krejtësisht të reja. Ka qenë investimi i qeverisë shqiptare që ka mundësuar ngritjen e kësaj shkolle të re në qytetin e Korçës, një ambjent tërësisht bashkëkohor, me klasa e palestër mjaft komode, si dhe sallë kompjuterash e laboratorë të pajisur me të gjitha kushtet.
Për këtë vit shkollor, në rrethin e Korçës janë ulur në bankat e shkollës 20 mijë nxënës, ndër të cilët 1600 në klasën e parë.
Nga ky mjedis, Kryebashkiaku i Korçës Peleshi u uroi të gjithë nxënësve një vit të mbarë shkollor.