Bashkia Korçë në kuadër të programit “Bashkia për qytetarët” ka filluar procesin e përgatitjes së projektbuxhetit për investimet e vitit 2010.
Për këtë ajo ka filluar takimet e hapura me qytetarët sipas projektit “Buxhetimi me pjesëmarrje”, i cili është një proces renditje prioritetesh dhe vendimmarrje përmes të cilit qytetarët dhe pushteti vendor vendosin bashkërisht për investimet publike.
Takimet kanë nisur ditën e parë me banorët e lagjeve 1,2 dhe 3. Gjatë këtij takimi banorët kanë bashkëbiseduar me Kryetarin e Bashkisë Niko Peleshi, me të cilin kanë ndarë mendime dhe kanë propozuar konkretisht për nevojat e tyre për investime publike në lagjen ku ata banojnë.
Ky model i hartimit të buxhetit konsiderohet i një rëndësie të veçantë nga Bashkia Korçë pasi nga njëra anë Bashkia bën transparencën me qytetarët dhe nga ana tjetër qytetarët thonë fjalën e vet se ku duhet të shkojnë lekët e taksapaguesve korcarë.
Përgjatë një jave, sipas një grafiku të përcaktuar, qytetarët do të thonë fjalën e tyre dhe do të votojnë për prioritetet, të cilat ata i konsiderojnë më të rëndësishme në lagjen ku banojnë.
GRAFIKU I TAKIMEVE ME QYTETARËT
Datat: Lagjia Vendi
09 Shtator 1,2,3 Biblioteka: ” Th. Mitko”10 Shtator 11,12 Biblioteka: ” Th. Mitko”
11 Shtator 14,15,16 Pastiçeri ” Tasho”
15 Shtator 4, 5, 13 Pastiçeri ” Tasho”
16 Shtator 6, 8, 17 Biblioteka: ” Th. Mitko”
17 Shtator 10, 18 Bar-Restorant “Skenderbeu”
18 Shtator 7, 9 Biblioteka ” Thimi Mitko”