Përfundoi me sukses të plotë projekti i Bashkisë së Korçës për Studimin e Qendrës së Qytetit, në përfundim të të cilit u shpall fituese, sudioja nga Gjermania Bolles &Wilson.
Katër Studiot konkurente të përzgjedhura për në fazën finale ishin pikërisht 51N4E, (Brussels, Belgjikë); BOLLES+WILSON (Munster, Gjermani); Domus Architecture (Portugali); Joubert Architecture (Rotterdam, Hollandë).
Juria ndërkombëtare, një panel me te ftuar nga fusha e arkitektures ,urbanistikës e intelektualë të fushave të ndryshme, e cila përbëhejnga Z. Jaume Carne -Spanjë, Z. Niko Peleshi -Kryetari i Bashkise Korçë, Z.Ben Blushi –Tiranë, Z. Martino Tattara –Itali, Z. Arben Biçoku -Tiranë, Z. Altin Gagani -Tiranë, Z. Aleks Papakozma -Korçë, e asistuar nga Z. Sotiraq Filo, Znj. Edvana Vangjeli dhe Znj. Adelina Greca, gjykoi ndër katër studimet e realizuara dhe të prezantuara nga këto studio ditën e mërkurë, në datën 15 korrik, në sallën e konferencave të Grand Hotel Palace.
Në perfundim të katër prezantimeve publike dhe një diskutimi të thellë mes anëtarëve të jurisë lidhur me vlerat e secilit propozim konkurues, në përgjigje të nevojave të qytetit të Korçës, mbi bazën e kritereve të vlerësimit të përcaktuara në detyrën e projektimit, juria vendosi njëzëri të vleresojë me çmimin e parë të konkursit Studion Bolles & Wilson nga Gjermania dhe me çmimin e dytë studion Joubert Architecture nga Hollanda.
Veç votimit të jurisë, projektet e paraqitura iu nënshtruan edhe votimit të publikut ku interesante ishte përputhja e rezultatit.
Të gjitha projektet synonin krijimin e hapësirave për kalimtarët, me idenë bazë që qyteti duhet t’u “kthehet” qytetarëve të tij.
Nëpërmjet organizimit të këtij konkursi, Bashkia synon transformimin bashkëkohor të qendrës së qytetit, mbështetur edhe në elementët dhe vlerat tradicionale.