NJOFTIM
Drejtoria e të Ardhurave të Bashkisë Korçë njofton të gjithë tatimpaguesit e biznesit të vogël, që ushtrojnë aktivitetin e tyre në territorin e Bashkisë Korçë, se duke filluar nga data 08.04.2009, duhet të paraqiten pranë ambjenteve të kësaj drejtorie, në adresën: Lagjia 7, Rruga “Kiço Greço”, poshtë Blloku Rinia, për të tërhequr Urdhërpagesën e Këstit të Parë të Taksës Vendore për Biznesin e Vogël për vitin 2009.
Theksojmë se tatimpaguesit biznesit të vogël, në momentin e paraqitjes pranë ambjenteve të kësaj drejtorie, duhet të kenë me vete mandatin e pagesës së taksave dhe tarifave lokale për vitin 2009.
Më pas, me urdhërin e pagesës duhet të paraqiten pranë sporteleve të çdo banke në qytetin e Korçës për kryerjen e Pagesës së Këstit të Parë të Taksës Vendore për Biznesin e Vogël për vitin 2009.
Kujtojmë se afati i fundit për pagesën e këstit të parë të taksës vendore për biznesin e vogël për vitin 2009 është data 21 Prill 2009.
Njëkohësisht, Bashkia Korçë, në kuadrin e luftës kundër informalitetit dhe konkurrencës së pandershme, në bashkëpunim me Agjensinë Rajonale për Zhvillim, ndërmerr nismën për evidentimin e subjekteve të liçensuara.
Subjektet e biznesit të madh dhe të vogël mund të tërheqin pranë Drejtorisë së të Ardhurave një pullë identifikuese, të cilën subjektet janë të detyruara ta vendosin në vitrinën e ambienteve të tyre.
Duke shpresuar në mirëkuptimin dhe bashkëpunimin tuaj konform legjislacionit në fuqi, ju mirëpresim pranë sporteleve tona.