Gati lista e objekteve dhe harta e vendndodhjes së tyre
Bashkia Korçë është duke hartuar Planin Bashkiak për Efiçiencën e Energjisë e cila ka të bëjë me kursimin apo ruajtja e energjisë në aktivitete tona të përditshme. Ky plan po realizohet me mbështetjen e QEE (Qendra për Efiçiencën e Energjisë), ENSI (Institutin Norvegjez për Kursimin e Energjisë) dhe të USAID.
Ky plan bashkiak ka tre hapa:
1. Mbledhja e informacionit fillestar lidhur me inventarin e godinave në administrim të bashkisë.
2. Krijimi i një database dhe përpunimi statistikor i të dhënave
3. Hartimi i “concept paper”, i cili do të jetë materiali bazë për zbatimin konkret të këtij plani.
Bashkia Korçë ka përmbushur hapin e parë të këtij procesi, duke përgatitur listën e objekteve dhe hartën me vendodhjen konkrete të tyre.