Ditën e premte, në datën 27 mars, Bashkia Korçë inicioi mbjelljen e 40 drurëve dekorativë, të moshës 6- 7 vjeçare në Tumën e Kamenicës.
Kjo nismë u zhvillua në kuadrin e dy projekteve të Bashkisë, të cilat janë shtimi i sipërfaqeve të gjelbra në qytet dhe rrethinat, si dhe mbështetja e atraksioneve turistike, të cilat ndikojnë në zhvillimin e turizmit dhe të ekonomisë në të gjithë Qarkun e Korçës. Tuma e Kamenicës është një atraksion me mjaft rëndësi, ajo i kalon përmasat e Qarkut duke qenë më e madhja në Ballkan. Tuma është vlerësuar si e tillë nga Bashkia, pavarësisht se ndodhet jashtë juridiksionit të saj, ndaj edhe në të ardhmen ajo do të vazhdojë të kontribojë për këtë atraksion turistik. Parashikohet që për Tumën e Kamenicës, Bashkia të shtrojë edhe tapetin e gjelbër.
Mbillen 40 drurë dekorativë në Tumën e Kamenicës
